87 Kun.uz: Ўзбекистон Малайзиянинг тўғридан-тўғри инвестицияларини жалб қилган ҳолда юртимиздаги асосий сайёҳлик йўналишларида, биринчи навбатда, Самарқанд, Бухоро, Хоразм, Тошкент ва Сурхондарё вилоятларида катта бўлмаган меҳмонхона мажмуалари, дам олиш ва овқатланиш пунктларини қуришга қизиқиш билдирмоқда. “Ўзбектуризм” МК матбуот хизматининг хабар беришича, бу ҳақда компания раиси ўринбосари Анвар Темирхўжаев Малайзия сайёҳлик ва маданият вазири Дато Сери Муҳаммад Назри ибн Абдулазиз бошчилигидаги делегация билан учрашувда маълум қилди. Ўз навбатида, малайзиялик вазир Ўзбекистон ҳам сайёҳлик соҳасида салмоқли тажрибага эгалиги сабабли икки томонлама асосда иккала давлат мутахассислари ўртасида тажриба алмашиш соҳасида ҳамкорликни йўлга қўйиш бўйича фикр билдирди. “Малайзия ҳозирда амалда бўлган 2005 йилда имзоланган ўзаро ҳамфирклик ҳақида ҳукуматлараро меморандум асосида “Ўзбектуризм” МК ва Малайзия сайёҳлик ва маданият вазирлиги ўртасида халқаро ҳамкорлик келишувини тузиш бўйича таклифни кўриб чиқишга тайёр”, деб айтди Малайзия вакили. xab-2