884840

Kun.uz: Бугунги кунда Ўзбекистон МДҲ ва Шарқий Европа мамлакатлари орасида қайд қилинган Соф ривожланиш механизми (СРМ) лойиҳалари сони ҳамда чиқиндиларни режалаштирилган қисқартириш ҳажми бўйича етакчилик қилишда давом эттмоқда. Соф ривожланиш механизми лойиҳасига тўғридан-тўғри хорижий инвестициялар қиймати 24 млн доллардан ошиб кетди, бу лойиҳаларнинг нефть-газ соҳасида амалга оширилишидан олинган қўшимча самара 5 йил ичида 700 млн куб метрдан кўпроқ тежалган табиий газни ташкил қилди.

Мутахассисларнинг таъкидлашича, мамлакатда қисқа муддатлар ичида СРМ лойиҳалари салоҳиятини амалга оширишга Ўзбекистоннинг юқори институционал тайёргарлиги имкон берди. 7 йилдан камроқ давр ичида нафақат СРМ-лойиҳаларидан ташкил топган миллий портфелни шакллантиришга, балки муомалага 14,4 млн тонна сертификатланган чиқиндилар қисқартиришини киритишга муваффақ бўлинди.

Маълумот учун, Соф ривожланиш механизми Киото протоколида ёзилган учта бозор механизмларидан бири ҳисобланади. Бу механизм ривожланаётган давлатларнинг дунё бозоридаги эмиссияларни қисқартириши ва барқарор ривожланишга эришиши учун ташкил этилган.

Соф ривожланиш механизми иссиқхона газларининг атроф-муҳитга чиқарилишини иқтисодий томондан самарали равишда камайтиришга имкон беради. Барқарор ривожланиш жараёнига қўшган фаол ҳиссангиз учун сизга рухсат берилган чиқиндилар шаклида кредитлар тақдим қилинади. Сиз улардан ўз вазифаларингизни ҳал қилишда фойдаланишингиз ёки уни иссиқҳона газлари чиқиндилари савдо бозорида алмашишингиз мумкин бўлади.