1062211261 Kun.uz: 2 май кунида Тошкентда истиқомат қилувчи россиялик уруш фахрийси Николай Семиковга унинг 100 йиллик таваллуд аёмида Россия томонидан чиқарилган “70 лет Победы в Великой Отечественной войне 1941-1945 гг” (“1941-45 йиллардаги Улуғ ватан урушидаги Ғалабанинг 70 йиллиги”) медали топширилди. Семиковнинг юбилей туғилган кунида Россиянинг Ўзбекистондаги элчиси Владимир Тюрденев унга ушбу медални топширди ҳамда Россия президенти Владимир Путиннинг унга йўллаган табрик мактубини тақдим қилди, деб хабар берилмоқда элчихона матбуот баёнотида. “Юз ёш – бу Ватаннинг равнақи йўлида кўп йиллик яратувчилик фаолиятига хулоса ясовчи ҳаётдаги муҳим чегарадир. Россия Семиков авлодининг жасоратига чуқур ҳурмат ва миннатдорчилик изҳор қилиб қолади”, деб айтди Тюрденев фахрийни тақдирлаш маросимида. Тюрденев “фахрийнинг узоқ ва муносиб ҳаёти ҳақли равишда холис ва фидокорона меҳнат, барчамиз ва айниқса ёшлар учун асл маънавий қадриятларга ўрнак бўлади”, деб таъкидлаб ўтди. Николай Михайлович Семиков Москва учун жанг иштирокчиси ҳисобланади. У Можайск остидаги жанглар пайтида оёғидан маҳрум бўлиб, Тошкентдаги ҳарбий госпиталда даволангач, Тошкентда қолишга қарор қилган. xab-2