bc3d8f1c-6368-4442-b760-9d2bcdb06288-1020x682 Kun.uz: Хитойнинг жануби-ғарбидаги Тибет автоном ҳудудидаги ҳарбий бўлинмалар зилзила жабрланувчиларига ёрдам бериш мақсадида Непалга юборилади. Бу ҳақда "Синьхуа" агентлиги хабар тарқатган. Хабарда айтилишича, бу ҳаракатлар икки давлатнинг тегишли келишуви асосида амалга оширилади. Маълум бўлишича, Хитой ва Непал ҳукумати вакиллари бироз олдинроқ шу масала хусусида непалликлар илтимосига кўра учрашув ўтказган. Эслатиб ўтамиз, Непалда 25 апрелда эрталаб 7,9 магнитудали зилзила рўй берди. Унинг маркази мамлакат пойтахти Катмандудан шимоли-ғарбий томон 82 километр узоқликда жойлашган, ўчоғи эса 15 километр чуқурликда ётган. Бир кун ўтиб, Непалда яна бир қатор афтершоклар содир бўлган, улардан энг кучлисининг магнитудаси 6,7 баллни ташкил қилган. Охирги маълумотларга кўра, зилзилада ҳалок бўлганлар сони 7040 нафар кишини ташкил этмоқда. xab-4