6849840 Kun.uz: Hewlett-Packard компаниясининг собиқ ижрочи директори Карли Фиорина Республикачилар партияси номидан АҚШ президентлигига ўз номзодини қўйишини эълон қилди. Бу ҳақда Reuters ахборот агентлиги хабар бермоқда. “Ҳа, мен президентликка номзодимни қўймоқдаман. Мен ўзимни бу ишда ишлаш учун энг мақбул инсонман деб ўйлайман, чунки иқтисодиёт аслида қандай ишлашидан бохабарман. Мен дунёни ва у қандай ишлашини тушунаман”, деб айтди Фиорина. Фиорина ҳеч қачон давлат лавозимларида ишламаган. Сўровларга кўра, у республикачи номзодлар орасида охирги ўринни эгалламоқда. Фиорина бу партиядан ҳозирча президентликка ўз номзодини қўйган ягона аёл бўлмоқда.