lushchan27 Kun.uz: Олий Лиганинг 7-турида Тошкентнинг "Бунёдкор" жамоаси Фарғонанинг "Нефтчи" жамоасини қабул қилди ва 0:1 ҳисобида мағлуб бўлди. Ўйиннинг 25-дақиқасида Акмал Шораҳмедов ишлатган қўполликдан кейин меҳмонлар ҳужумчиси Рўзимбой Аҳмедов 11 метрлик жарима нуқтасидан гол урди ва бу гол ягоналиги сақлаб қолиниб, "Нефтчи" сафардан 3 очко билан қайтадиган бўлди. 82-дақиқада эса, мезбонлар ҳужумчиси Воҳид Шодиев қизил карточка олган ғолда майдонни эрта тарк этишга мажбур бўлганди. Учрашувдан кейинги матбуот анжуманида “қалдирғочлар” устози Сергей Лушчан қатнашди. “Бунёдкор” пенальти ишлаб бериш бўйича жаҳон чемпионига айланиб бўлди. Ҳар ўйинда шу аҳвол. Орқа чизиқда хатолар кўпайиб кетди. Рақиб ҳужумчиларини бирга-бир вазиятга чиқариб юбориш бўйича ҳам уларга ёрдам бериб юборяпмиз. “Нефтчи”ни ғалаба билан табриклайман, - деб гап бошлади Сергей Иванович. "Қизил карточка 100 фоиз бор эди. Пенальти борасида эътироз билдиришим мумкин. Лекин мен ҳеч қачон ҳакамлар масаласи борасида чуқурлашмаганман ва хатто муҳокама қилмайман ҳам", дейди вазиятларга баҳо бера туриб мураббий. Ундан ёш футболчи Темур Аюпов ҳақидаги фикрлари сўралганида эса, мураббий баъзи илмоқли фикрларини билдириб ўтган. "У меҳнатсевар футболчи. Ўз устида ишлашдан тўхтамайди. Фамилиясини айтмайману, баъзи ўйинчилардан кўра кўпроқ меҳнат қилади. У асосий таркибнинг бир қисми. Аслида уни ўйин бошида майдонга туширмоқчи эдик. Бироқ маҳорати юқори футболчиларга ишонч билдириш тўхтамига келгандик", дейди у. Қайд этиш жоизки, "Бунёдкор" футболчилари 6 тур мобайнида 4 марта ўз дарвозасига пенальти белгиланишига сабабчи бўлган. жамоа айни вақтда 12 очко билан турнир жадвалининг еттинчи ўрнида турибди. xab-