303012

Kun.uz: АҚШ президенти Барак Обама саккизинчи марта Дэвид Леттерман шоусига ташриф буюрди. The Washington Post газетасида ёзилишича, 20 йилдан буён Late Show with David Letterman шоусини олиб бораётган телебошловчи CBS каналидан кетишини маълум қилган, шу боис бу шоу айни пайтда кўрсатувнинг охирги сони ҳам бўлди.

Шоу жараёнида мамлакат раҳбари Балтимордаги вазиятни изоҳлаб ўтди. Эслатиб ўтамиз, у ерда олти нафар полициячининг қора танли Фредди Грейни ўлдиргани ҳақидаги гап-сўзлар оммавий норозилик ва тўполонларга сабаб бўлган эди. Президент полиция зобитлари суд ихтиёрига топшириганини ва қонунга мувофиқ жазоланишини таъкидлаб ўтди.

Шунингдек, шоу давомида Обама мухлисларнинг 10та ҳазил саволларига жавоб берди. Жумладан, “Бу сиз президентлик қилган биринчи мамлакатми?” деган саволга у қуйидагича жавоб берди: “Ҳа. Ўйлашимча, биринчи ва охирги. Кечки ток-шоулар бошловчиларидан қатъий назар, менинг муддатим чекланган”.