31110

Kun.uz: ИШИД террорчи гуруҳи вакиллари Техасдаги карикатуралар кўргазмаси олдида содир бўлган отишма учун жавобгарликни ўз зиммасига олди. Бу ҳақда The Daily Star нашри маълумот бермоқда. Кеча Техас штатида ўтказилаётган пайғамбар Муҳаммадга чизилган карикатуралар кўргазмасига икки қуролланган киши ҳужум уюштирди. Уларнинг иккиси ҳам полиция ходимлари томонидан йўқ қилинди. “Халифатнинг икки жангчиси Техас штатининг Гарланд шаҳридаги бадиий кўргазмага ҳужум уюштирди. Бу кўргазмада Муҳаммад пайғамбарнинг тасвирлари салбий бўёқларда намойиш этилаётган эди”, - деб таъкидланган гуруҳ тарқатган баёнотда. Бундан ташқари, гуруҳ АҚШда йирик қўпорувчилик ҳаракатлари амалга оширишини малум қилди.