69409

Kun.uz: McDonald's компанияси ўз ресторанларини франшизаларга сотиш ишини фаоллаштириб, халқаро операциялар структурасини қайти тузиш ва йиллик харажатларни 300 млн долларга қисқартиришни режалаштирмоқда. The Wall Street Journal газетасида ёзилишича, шу йўл билан компания ўз бизнес моделини такомиллаштирмоқчи. Компаниянинг янги бош ижрочи директори Стив Истербрук жамоатчиликни бу борадаги режалар билан таништирди. 2018 йилга қадар компания ўзига тегишли 36 минг ресторандан 3.5 мингтасини франшизаларга сотишни режалаштирмоқда. 2016 йилга қадар франшизаларга ўтказилган ресторанлар сони 1.5 мингтага етиши кутилмоқда. Бундан кўзланган мақсад – компанияга тегишли ресторанларнинг 90 фоизини франшизаларга ўтказишдир (ҳозирликда бу кўрсаткич 81 фоизга тенг). Истербрукнинг фикрича, бу компанияга барқарор ва кафолатли даромад олишга ёрдам беради. Бундан ташқари, McDonald's раҳбари 1 июль куни ўз бизнесини тўрт сегмент бўйича реструктуризация қилишга киришади: ички бозор (АҚШ), етакчи халқаро бозорлар (жумладан, Австралия ва Буюк Британия), тез ўсиб бораётган бозорлар (Хитой ва Польша), асосий бозорлар. Таъкидланишича, бу мамлакатлар фақат географик тавсифга кўра эмас, балки умумий динамика ва муаммоларга кўра ҳам гуруҳларга бирлаштирилган.

xab-3