АҚШлик боксер Флойд Мэйуэзер филиппинлик боксчи Мэнни Пакьяо билан реванш ўтказишга рози бўлди. Бу ҳақда New York Daily News нашри хабар бермоқда.

Нашрнинг маълумотларига кўра, Мэйуэзер филиппинлик боксчи у билан ўтказган жангига тайёргарлик кўриш жараёнида олган елкасининг жароҳати тузалишини кутиб туришга тайёрлигини маълум қилди. Яқин орада Пакьяо операция ўтказади, шундан сўнг 9–12 ой унга тикланиши учун зарур бўлади. Флойд билан Мэнни ўртасидаги иккинчи жанг 2016 йилнинг май ёки сентябрь ойида бўлиб ўтиши мумкин.

Пакьяо ўзининг жароҳати ҳақидаги ҳақиқатни Невада штатининг Атлетика комиссиясида анкетадан ўтиш пайтида беркитганлиги учун филиппинлик боксчига жарима кўринишида ёки четлатиш билан жазо берилиши мумкин.

Аввалроқ 38 ёшли Мэйуэзер ўзининг охирги жангини бу йилнинг сентябрь ойида ўтказишини, сўнгра 66,68 килограмм вазн тоифасидаги ўзининг барча чемпионлик камарларидан (WBA, WBO, WBC) воз кечишини маълум қилганди.

Мэйуэзер ва Пакьяо ўртасидаги жанг 2 майда Лас-Вегасда бўлиб ўтди ва жанг ҳакамларнинг бир овоздаги қарори билан очколар бўйича АҚШлик боксчининг ғалабаси билан якунланди. Спортчиларнинг гонорарлари бокс тарихидаги энг катта гонарарлар бўлди: Мэйуэзер 180 млн доллар, Пакьяо 120 млн доллар олган.