6540

Kun.uz:  Save the Children хайрия ташкилоти жаҳон мамлакатларининг оналик учун яратилган шароит ва қулайликлар бўйича рейтингини эълон қилди. Рейтинг натижалари ташкилотнинг сайтига жойлаштирилди. Таъкидланишича, ушбу йиллик рейтинг 16-марта тузилиши. Рейтинг тузиш учун олиб борилган тадқиқот доирасида 179 мамлакат кўрсаткичлари таҳлил қилинган. Рўйхатнинг дастлабки уч поғонасини Норвегия, Финляндия ва Исландия эгаллади. Охирги ўринга эса Сомали муносиб кўрилди. Ривожланган давлатлар ичида энг ёмон натижани АҚШ қайд қилди – 33-ўрин. Шунингдек, Россия 56-ўринни эгаллади. Ўзбекистон жорий рейтингда 118-ўринга муносиб кўрилди. Қўшни давлатларнинг кўрсаткичлари қуйидагича: Қозоғистон – 58-ўрин, Туркманистон – 99-ўрин, Қирғизистон – 107-ўрин, Тожикистон – 127-ўрин, Афғонистон – 152-ўрин, МДҲ давлатлари ичида энг юқори поғонани Беларусь забт этди – 25-ўрин. Бундан ташқари, Украина 69, Озарбайжон 90, Арманистон 103-ўринни эгаллади.