Самарқанд шаҳрида “Sen Yolg’iz Emassan” жамғармаси томонидан қуриб битирилган янги меҳрибонлик уйининг очилиш маросими бўлиб ўтди. Бу ҳақда Лола Каримова-Тиллаеванинг Фейсбукдаги расмий саҳифасида маълумот берилди.
“Азиз дўстлар, сиз билан қувончли хабарни улашмоқчиман! Ниҳоят Самарқанд шаҳрида “Sen Yolg’iz Emassan” жамғармамиз томонидан қуриб битирилган янги Меҳрибонлик уйининг очилиши бўлиб ўтди”, - дейилади хабарномада.
Лола Каримова-Тиллаева меҳрибонлик уйининг барпо этилишига жиддий эътибор қаратилганини таъкидлаб ўтди:
“Биз уй лойиҳасини ишлаб чиқишда архитектор, педагог ва психологлар билан биргаликда пухта иш олиб бордик, болажонларнинг яшаши, ривожланиши ва таълим олиши учун максимал қулайликлар яратишга интилдик”.
Маълум бўлишича, янги меҳрибонлик уйи биносига 6-меҳрибонлик уйи тарбияланувчилари, жами 127 бола (42 қиз ва 85 ўғил бола) кўчиб ўтган.