1008433397

Kun.uz: ХХР ташқи ишлар вазири ўринбосари Чэн Гопиннинг таъкидлашича, Россия ва Хитой ўртасидаги икки томонлама алоқалардан бутун дунё намуна олса арзийди. Сешанба куни Хитой ташқи ишлар вазирлигида анъанавий Lanting форуми ўтказилди. Форумнинг бу сафарги мавзуси Иккинчи Жаҳон урушида қозонилган ғалабанинг 70 йиллиги бўлди. Форумда Россиянинг ХХРдаги элчиси Андрей Денисов иштирок этди. Форумда маъруза қилган Чэн Гопин Иккинчи Жаҳон уруши якунларини қайта кўриб чиқишга бўлган хатти-ҳаракатларни қоралади. Шунингдек, у Россия ва Хитой ўртасидаги алоқаларга тўхталиб ўтди. “Россия ва Хитой ўртасидаги алоқаларнинг асосини блокларга қўшилмаслик принципи, қарама-қаршиликнинг йўқлиги ва учинчи мамлакатларга қарши турмаслик принциплари ётади. Мана шулар асосида бизнинг алоқаларимиз ҳар томонлама ҳамкорлик ва стратегик бирлик босқичига кўтарилди. Бу қўшни давлатлар ўртасидаги бутун дунё намуна олса арзийдиган алоқалардир”, - деб Чэн Гопин ўз чиқишида.

uy