CEN-vqiUUAEXYtp Kun.uz: Франциянинг “Миллий фронт” партияси асосчиси Жан-Мари Ле Пен унинг қизи Марин Ле Пен 2017 йилда бўлиб ўтадиган президентлик сайловларида ғалаба қозонишига қарши эканлигини айтди. Бу ҳақда у Europe 1 радиоканалига берган интервьюсида маълум қилди. “Айни пайтда мен Марин Ле Пен 2017 йилги сайловларда ғалаба қозонишига қаршиман”, - деб таъкидлади у радио эфирида. 3 май куни шу радиога берган интервьюсида “Миллий фронт”нинг амалдаги раҳбари Марин Ле Пен отасининг хатти-ҳаракатларини қоралаб, унга ва партияга бўлган ҳурматсизлик сифатида баҳолаган эди. Шунингдек, у отасига партия номидан гапиришни тақиқламоқчи ҳамда уни минтақавий сайловларда иштирок этишдан четлаштирмоқчи эканлигини маълум қилган эди.

uy