Францияда Фаластин мухториятининг марҳум раҳбари Ёсир Арофатнинг ўлими бўйича текширув олиб бориш ишлари тўхтатилди. Бу ҳақда i24news телеканали хабар берди.

Маълум қилинишича, 30 апрель куни хулосалар прокуратурага юборилган.

Хабарда қайд этилишича, текширув ўтказган мутахассислар бу сафар ҳам фаластинликларнинг собиқ етакчисининг жонига суиқасд қилингани ҳақидаги фаразларни инкор қилишган.

Бундан олдинроқ, Фаластин томони Ёсир Арофатни заҳарлагани тахмин қилинган шахс қўлга олингани ҳақида маълум қилганди. Фаластиндаги тафтиш комиссияси раҳбари Тавфиқ Тиравий бу гумонланувчининг шахсини ошкор қилмаган.