Қозоғистон президенти Нурсултон Назарбоев мол-мулк легализацияси масаласини кўтариб чиқди. Tengrinews.kz ресурсининг ёзишича, у даромад декларацияси топшириш мажбурияти жорий қилинганидан сўнг ҳеч кимга ён босилмаслигини эътироф этган.

“Даромад ва буромад декларацияси топшириш мажбурияти жорий қилингунига қадар барчага мол-мулкини легализация қилиш имкониятини берамиз. Бу ўта бойлар ва ўта камбағалларнинг бўлмаслиги ва барчани тенглаштиришнинг йўлидир. Энди барча нима сотиб олгани ва пулни қаердан топгани ҳақида маълумот беради”, - деб таъкидлади Назарбоев.
Бундан ташқари, у пулларни мамлакатни ривожлантиришга йўналтириш кераклигини айтиб ўтди:
“Айрим жойларда диний чекловлар ҳашаматни ман қилган эди, у мамлакатлар пулни бекорга сарфлаш ўрнига уларни ривожлантиришга йўналтиришди, мамлакатлар ривожланди. Биз ҳам тинч яшашни ўрганишимиз керак”.