Muxtor Qulmuhammad Qozog‘iston prezidentining maslahatchisi lavozimiga tayinlandi. Bu haqda Oq O‘rda matbuot xizmati ma'lumot berdi.
“Davlat rahbarining farmoyishiga muvofiq Qulmuhammad Muxtor Abror o‘g‘li Qozog‘iston Respublikasi Prezidentining maslahatchisi etib tayinlandi”, - deyiladi xabarnomada.
Muxtor Qulmuhammad 2014 yil martidan buyon prezident maslahatchisi lavozimini egallab kelgan. Joriy yilning mart oyida u lavozimidan ozod qilinib, Nazarboyevning saylovoldi shtabi rahbarligiga tayinlangan edi.
