Ўзбек халқининг келиб чиқиши тарихига бағишланган китоб нашрдан чиқди

Ўзбекистон 06 Май 2015 3143

Ўзбекистон Миллий кутубхонаси фонди Аҳмадали Асқаровнинг “Ўзбекистон” нашриёт-матбаа ижодий уйида 670 бет ҳажмда нашр этилган “Ўзбек халқининг келиб чиқиш тарихи” деб номланган китоби билан бойитилди. Бу ҳақда кутубхона матбуот хизмати хабар бермоқда.

Китоб академик А.П.Қаюмов, тарих фанлари доктори, профессор Б.А.Абдуҳалимов, тарих фанлари доктори, профессор М.М.Исхаков, тарих фанлари доктори, профессор А.Х.Хўжаев, тарих фанлари доктори, профессор А.А.Аширов, тарих фанлари доктори, профессор А.А.Маврулов ва тарих фанлари номзоди Ш.Р.Пидаевлар томонидан таҳрир қилинган.

Китобда ўзбек халқининг келиб чиқиши, этногенез тарихи, унинг уруғ-қабила ҳолатидан элат-халқ бўлиб шаклланиб бориш жараёни ва шаклланган халқ сифатида миллат даражасига этиш босқичлари бой моддий маданият ва ёзма манбаларнинг илмий таҳлили асосида баён этилган.

Монографияда ўзбек халқи ҳозирда яшаб келаётган ҳудуд билан қадим замонлардан бевосита боғлиқ туб ерлик халқ эканлиги, унинг этник таркибини асосан ерли суғдий, хоразмий, боҳтарий, сак, прототурк ва туркий аждодларимиз ташкил этганини ва узоқ асрлар давомида уларнинг бир-бирлари билан аралашиб яшаши натижасида янги миллат – ўзбекларнинг пайдо бўлишини илмий холислик ва объектив тарихий тизимлилик асосида батафсил маълумот берилган.

Монография аввалида муаллиф ишининг моҳиятини, мақсад ва вазифаларини илмий асослаб беради. Шунингдек, А.Асқаров бу ерда мазкур ишнинг долзарблигини исботлайди ва ўзбек халқининг пайдо бўлиши тўғрисида ҳикоя қилувчи илмий адабиётларни таҳлил қилади.

Китобнинг алоҳида боблари бронза ва темир даврида қоятошлар битикларида Ўрта Осиё аҳолиси, шу ерда яшаган халқларига тегишли осори атиқалари, маданий топилмалар, чорвадор қабилалари маданияти ёдгорликлари, ижтимоий-иқтисодий ва этномаданий ривожланиш, этносиёсий ривожланиш, Темурийлар даврида этник жараёнлар ва ўзбек тилининг шаклланиши тақдиқотига бағишланган.

Муаллиф “ўзбек миллий менталитети” тушунчасини таърифлайди ва унинг ўзига хосликларини тадқиқ этади.

Китобда қисқартмалар, атамалар ва топонимларнинг илмий исботланган изоҳлари билан, бобларга ажратилган ҳолда берилиши алоҳида эътиборга лойиқ.

Мазкур китоб илмий тадқиқот институтлари илмий ходимлари, этнография, тилшунослик, Ўзбекистон тарихини ўрганаётган талабалар ва профессор-ўқитувчилар, шунингдек, Ўзбекистон этноси тарихига қизиқувчилар учун мўлжалланган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 36305 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 76200 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11692 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 142470 Жамият
Мирзо Улуғбек туманида маъмурий назорат қоидаларини бузган шахс қўлга олинди
10:46 158 Жамият
Австралия бош вазири Барселонадаги теракт туфайли махсус стратегия ишлаб чиқилишини маълум қилди
10:40 134 Жаҳон
Бразилияда мушт қилиб турган қўл кўринишидаги булут одамларни хавотирга солди
10:36 2127 Жаҳон
Абитуриент ҳикояси: “Мен ўқув маркази томонидан алдандим”
10:34 1504 Lifestyle
Швециялик яҳудий Фаластинга пиёда жўнади
10:19 686 Жамият
Чимёнда қидирув-қутқарув ишлари олиб борилди
10:12 1454 Жамият
Кўпроқ янгиликлар