Ўзбекистон Президенти Ислом Каримов Иккинчи жаҳон урушидаги ғалабанинг 70 йиллигига бағишланган Москвадаги тадбирларда иштирок этмайди. Бу ҳақда, Ўзбекистон Президенти матбуот хизмати вакилига асосланиб, “Новий век” газетаси хабар бермоқда.

Вакилнинг сўзларига кўра, ушбу сана билан боғлиқ тадбирлар Ўзбекистонда ҳам кенг нишонланади, бир қатор тадбирлар ўтказилиши режалаштирилган.

“Ўзбекистон Президенти ушбу тадбирларда фаол иштирок этади”, - деди “Новий век” суҳбатдоши.

Ўзбекистондаги “Нуроний” хайрия жамғармаси маълумотларига кўра, Иккинчи жаҳон урушида Ўзбекистоннинг 1,4 миллион аҳолиси иштирок этган, уларнинг 400 мингдан ортиғи ҳалок бўлган, 130 минг нафари бедарак йўқолган.