"Манчестер Юнайтед" клубининг собиқ ярим ҳимоячиси Пол Скоулз ЕЧЛ ярим финалида "Реал" ва "Ювентус" клублари ўртасида бўлиб ўтган ўйин ҳақидаги фикрларини билдирди.

"Бэйл туфайли «Реал» 10 киши бўлиб қолди? Мен бундан ҳам кўпроғини айтган бўлардим - «Реал» нафақат Бэйл, балки Рамос туфайли ҳам тўлиқ куч намойиш эта олмади. Бу икки футболчи яхши ўйнай олмагани учун «Реал» 9 киши бўлиб қолгандек кўринди.

Рамосга тўп келиши билан у тўпни йўқотаверди. У ёки тўпни рақибга олдириб қўйди, ёки майдон ташқарисига чиқариб юборди. «Реал» учун Лука Модричнинг жароҳати катта йўқотиш бўлган экан", - дейди Скоулз.