Қирғизистоннинг бош вазир Темир Сариев бошчилигидаги янги Вазирлар Маҳкамаси республика ва халққа садоқатли бўлишга қасамёд қилди.
Ўтган ҳафта мамлакат парламенти кўпчилик овоз билан бош вазир номзодини қўллаб-қувватлади. Шундан сўнг бош вазир таклифига биноан янги ҳукумат шакллантирилди.
Янги Вазирлар Маҳкамаси олти ой давомида фаолият юритади. Октябрь ойида республикада янги чақириқ парламентига сайловлар бўлиб ўтади, шу туфайли маҳкама истеъфога чиқарилади.