Қозоғистон президенти Нурсултон Назарбоев ички ишлар вазирлигининг баъзи ходимларига олий ҳарбий ва махсус унвонлар бериш тўғрисидаги қарорни имзолади. Қарор матни президентнинг расмий сайтида эълон қилинди.
Ҳужжатга мувофиқ Қозоғистон ички ишлар вазири Қалмуханбет Қосимовга полиция генерал-полковниги, унинг биринчи ўринбосари Марат Демевовга эса полиция генерал-лейтенанти махсус унвони берилди.
Шунингдек, вазирликнинг бир қатор ходимлари генерал-лейтенант, генерал-майор ҳарбий унвонлари ҳамда полиция генерал-майори махсус унвони билан тақдирланди.