Саудия Арабистони ҳукумати Яман билан чегара яқинида жойлашган Нажран шаҳридаги барча мактабларни вақтинчалик ёпади, деб хабар бермоқда Reuters ахборот агентлиги.   

Бу ҳақда давлат телевидениеси орқали маълум қилинган. Мактаблар ёпилишининг сабаблари аниқ айтилмаган. 

Гувоҳларнинг айтишича, ҳусийчилар Саудия Арабистонига зарбалар бергандан кейин коалиция исёнчиларнинг позицияларига бир нечта авиазарбалар бериш билан жавоб қайтарган.

Аввалроқ Human Rights Watch ҳуқуқни ҳимоялаш ташкилоти Саудия Арабистони бошчилигидаги коалицияни Ямандаги исёнчи-ҳусийчиларга қарши АҚШнинг кассета бомбаларини ишлатганликда айблаган эди.