Саудия Арабистонининг Нажран шаҳрида ҳусийчилар уюштирган қуролли ҳужум натижасида 3 киши ҳалок бўлди.
Маҳаллий матбуотда маълум қилинишича, Яман чегарасига яқин ҳудудда жойлашган шаҳар миномётлардан ўққа тутилган. Саудия Арабистони бошчилигидаги халқаро коалиция ҳарбий кучлари расмий вакили генерал Аҳмад Асирийнинг баёнотига кўра, бу ҳужум ҳусийчиларнинг “Ансоруллоҳ” ҳаракати томонидан амалга оширилган. Ҳужум натижасида 3 киши ҳалок бўлган, шунингдек, бир қанча уй ва машиналарга зарар етказилган.
Илгарироқ ҳусийчилар Саудия Арабистони шаҳарларига ракеталар билан зарбалар беришини маълум қилган эди. Нажранга уюштирилган ҳужум ҳозирча ягона ҳолат бўлиб турибди.