1 июндан Хитой ҳукумати аксарият дори воситаларга нархларни белгилашдан тўхтайди, деб Хитой ривожланиш ва ислоҳотлар давлат қўмитасига иқтибос келтирган ҳолда хабар бермоқда “Синьхуа” агентлиги.

 Дори воситаларига нархларни бозорнинг ўзи белгилайди. Бироқ наркотик воситалар ва баъзи психотроп дори-дармонларга нархларни давлатнинг ўзи белгилашда давом этади.

 Режалаштирилган нарх ислоҳоти бозорда рақобатбардошликни қўллаб-қувватлайди ва ҳаққоний нархлар келиб чиқиши механизмининг шаклланишига кўмак беради, деб ҳисобламоқда Хитой фармацевтика университети қошидаги Нархлар тадқиқоти институти директори.