Япониянинг Mitsui Garden Yotsuya номли меҳмонхонасида йиғлаб олишни хоҳловчи аёллар учун махсус хоналар пайдо бўлди, деб хабар бермоқда Fox News телеканали. Токиода жойлашган ушбу меҳмонхона ўз мижозларига қоғоз салфеткалар ва “юракни эзадиган” фильмлар таклиф қилмоқда.

TripAdvisor сайтида таъкидланишича, аёллар билан бирдек эркаклар ҳам меҳмонхона ҳақида ижобий фикр билдирмоқдалар. Бироқ эмоционал муаммоларга дуч келган аёллар бу меҳмонхонанинг алоҳида тоифадаги мижозлари бўлмоқдалар. Меҳмонхонанинг йиғлаш учун мўлжалланган махсус хоналарида мижозлар Голливудда ишланган “Форрест Гамп”, Жанубий Кореяда ишланган “Унутишни истамайман” ва Япониянинг “Мари ва уч кучук боласи ҳақидаги воқеа” каби фильмларни томоша қилишлари мумкин. Бундан ташқари, йиғламоқчи бўлган мижозларга тематик комикслар ҳам таклиф қилинмоқда.

Юмшоқ салфеткалар ва махсус ниқоблар мижозларга “янги” ва “янги қувватлар” билан уйғонишларига ёрдам беради.

Меҳмонхона нархи кунига 10 минг иендан (83 долларга яқин) бошланади.