Ўзбекистон Президенти Ислом Каримов Москвада Иккинчи жаҳон урушидаги ғалабанинг 70 йиллигига бағишланган тадбирларда иштирок этади. Бу ҳақда Интерфакс хабар бермоқда.

Россия президенти ёрдамчиси Юрий Ушаковнинг сўзларига кўра, Ислом Каримов Владимир Путиннинг таклифини қабул қилган. Россия президенти матбуот котиби Дмитрий Песков ҳам “Ўзбекистон президенти 9 май куни Москвада бўлиши ҳақида ахборот олинганини” маълум қилган.

Аввалроқ “Новий век” газетаси Ўзбекистон президенти матбуот хизмати вакилига асосланиб Ислом Каримов 9 май куни Москвага бормаслиги, Ўзбекистонда бўладиган Хотира ва қадрлаш куни тадбирларида фаол иштирок этиши ҳақида хабар берганди.