Кубаннинг "Краснодар" жамоаси мураббийи Андрей Тихонов жамоага Россия термаси аъзолари ҳисобланадиган Игор Денисовнинг олиб келиниши ҳақидаги маълумотларга изоҳ бериб ўтди.

"Мен Денисовни Одил Аҳмедовдан яхшироқ ўйнайди деб ҳисобламайман. Қолаверса, таркибимизда Газинский ҳам бор. Бу икки футболчи айни вақтда Денисовдан устунроқ, айниқса, Аҳмедов Европа футболи даражасидаги ўйинчи. Албатта, қандай йўл тутишни раҳбарият ҳал қилади. Лекин, яна яна бир бор таъкидлайман, Денисов бизга керак эмас. Аҳмедов ва Газинский Денисовга таркибда жой бермайди", дейди мураббий.

У шунингдек, Аленичев "Спартак"ка қайтиши ва ижара асосида "Спартак"ка берилган Широков "Краснодар"га келиши мумкинлигини маълум қилган.