Доғистон маркази Махачқалъанинг туманларидан бирида аксилтеррорчилик амалиёти режими жорий этилди. Бу ҳақда РИА Новости агентлигига республика оператив штаби ходимлари маълумот берди.
Манбанинг айтишича, Махачқалъадаги Ҳамидов, Тимирязев, Сулакский кўчалари билан чегараланган ҳудудда аксилтеррорчилик амалиётлар олиб борилмоқда. Ҳуқуқ-тартибот идоралари ходимларига тезкор тадбир давомида жангарилар гуруҳини топиш ва йўқ қилиш топширилган.