Мадриднинг "Реал" жамоаси ҳужумчиси Криштиану Роналду кетма-кет иккинчи йилда ҳам Forbes нашри версиясига кўра энг кўп ҳақ оладиган футболчи сифатида зикр этилди.
2014 йилда португалиялик ушбу футболчи 79 млн доллар ишлаб олган. Бу эса аввалги йилдагига нисбатан 6 млн доллар кўп бўлди. Бу маблағнинг 52,2 млн долларлик қисмини у жамоадан маош ва мукофот пуллари сифатида олган, қолган қисми эса реклама шартномалари орқали келган.
Бу рўйхатда иккинчи ўринда Лионель Месси номи қайд этилган. Унинг ўтган йилдаги даромади 70,5 млн доллар (48,5 млн долларлик қисми маош ва бонуслар, 22 млн долларлик қисми реклама) бўлди. Аргентиналик футболчидан кейинги ўринда "ПСЖ"нинг швециялик ҳужумчиси Златан Ибраҳимович 41,8 млн долларлик кўрсаткич билан учинчи бўлган. Унинг даромадининг 35,8 млн долларлик қисми маош ва бонуслар орқали, 6 млн долларлик қисми эса реклама орқали олинган.
Қуйида бу борадаги кучли ўнлик билан танишишингиз мумкин.
1. Криштиану Роналду («Реал» — 79 млн)
2. Лионель Месси («Барселона» — 70,5 млн)
3. Златан Ибраҳимович («ПСЖ» — 41,8 млн)
4. Гарет Бэйл («Реал» — 34,9 млн)
5. Неймар («Барселона» — 31,7 млн)
6. Радамель Фалькао («Манчестер Юнайтед» — 31 млн)
7. Уэйн Руни («Манчестер Юнайтед» — 25,8 млн)
8. Хамес Родригес («Реал» — 25, 4 млн)
9. Серхио Агуэро («Манчестер Сити» — 25,3 млн)
10. Луис Суарес («Барселона» — 19,9 млн)