Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Порошенко 9 май куни Москвага келишдан воз кечганларга миннатдорчилик билдирди
07:24 / 08.05.2015
6658

Украина президенти Пётр Порошенко Иккинчи жаҳон урушида қозонилган ғалаба шарафига 9 май куни Москвада ўтказиладиган парадга ташриф буюришдан бош тортган давлат раҳбарларига миннатдорчилик билдирди. Бу ҳақда Интерфакс агентлиги маълумот бермоқда.
“Украина халқи номидан ушбу давлат раҳбарларига миннатдорчилик билдираман”, - деб таъкидлади Порошенко.
“8 май куни Украина халқи биринчи марта европаликларга қўшилиб Иккинчи жаҳон урушида ҳалок бўлганлар хотирасини ёд этиш кунини нишонлайди, эртасига эса Москвада ғалаба паради ўтказилади. У ерда Донецкда қўлланаётган қурол кўрсатилади. Украина бу парадда иштирок этишдан бош тортди”, - қўшимча қилди у.


Улашинг
  • Теглар:
Top