Россия Иккинчи жаҳон урушидаги ғалабанинг 70 йиллигини нишонлашда хорижий мамлакатлар томонидан бойкотга учраши ҳақидаги тахминлар озини оқламади. Бу ҳақда Россия парламентининг халқаро ишлар бўйича қўмитаси Алексей Пушков хабар берди.

Польшанинг Гданьск шаҳрида Ғарб мамлакатлари етакчилари иттифоқчи кучларнинг Иккинчи жаҳон урушида нацистлар Германияси устидан қозонган ғалабасини тантана қилишади, унда иштирок этадиган Украина президенти Пётр Порошенко Ғарб мамлакатлари етакчилари 9 май куни Москвада бўладиган Парадга бормаганликлари учун уларга миннатдорчилик билдирганди.

Пушков шу ҳолатга эътибор бериб, бу нарса Киевга ёрдам беролмаслигини таъкидлади. “Бу Киевга ёрдам беролмайди. Кўплаб етакчилар келишяпти. Бойкот ўхшамади”, - деб ёзди Пушков ўз твиттерида.

6 май кунидаги маълумотларга кўра, Москвадаги Парадга 27 мамлакатнинг давлат ва ҳукумат раҳбарларит ташриф буюради, тантаналарда хорижий мамлакатларнинг 40га яқин вакили бўлади. АҚШ номидан элчи Жон Теффт, Франция ва Италиядан эса ташқи ишлар вазирлари иштирок этади.

Москвадаги тантаналарда АҚШ, Франция, Польша, Финландия, Жанубий Корея, Черногория, Исроил, Болгария, Молдова, Литва, Латвия, Эстония, шунингдек, Беларусь давлат раҳбарлари иштирок этишдан бош тортди. Улардан баъзилари ўзларининг бу қарорини Украинадаги вазият билан изоҳлади.

Германия канцлери Ангела Меркель 9 май кунги Парадда бўлмаслигини, бироқ 10 май куни Москвага ташриф буюриб, Владимир Путин билан бирга Номаълум аскар қабрига гулчамбар қўйишини маълум қилган.