Россия президенти Владимир Путин 20 га яқин генерални ўз лавозимидан озод этди. Бу ҳақда Путин имзолаган фармонда айтилмоқда.

Қайд этилишича, Кубань бўйича гиёҳванд моддалар айланмасини назорат қилиш федерал хизмати раҳбари лавозимини эгаллаган, полиция генерал-лейтенанти Сергей Лавров, Россия Ички ишлар вазирлигининг ОАВлар билан алоқа қилиш бошқармаси бошлиғи, ички хизмат генерал-майори Андрей Пилипчук ўз лавозимидан озод этилган. 

Шунингдек, Россия ИИВ ички қўшинлар марказий минтақавий қўмондонлиги қўшинлари қўмондони биринчи ўринбосари Владимир Падалко ҳарбий хизматдан бўшатилган; полиция генерал-майори Жуковский Анатолий Николаевич Коми Республикаси Ички ишлар вазири лавозимидан озод этилган.