Россия президенти Владимир Путин Озарбайжон, Арманистон, Беларусь, Қозоғистон, Ўзбекистон, Туркманистон, Қирғизистон, Молдавия, Тожикистон президентларини, тан олинмаган Абхазия, Жанубий Осетия етакчиларини, шунингдек, Грузия ва Украина халқларини Иккинчи Жаҳон урушида қозонилган ғалабанинг 70 йиллиги билан табриклади. Табрикнома Кремлнинг сайтида эълон қилинди.
Табрикномада таъкидланишича, ғалаба барча халқларга тегишли бўлган умумий ютуқдир, дунёни миллатчиликдан қутқариш учун барча халқларнинг ўғлонлари елкама-елка курашган; уларни ёдга олиш эса авлодларнинг бурчидир.
Шунингдек, Путин уруш йиллари тобланган дўстлик ва биродарлик туйғуси халқлар орасида абадий сақланиб қолишига ишонч билдирган.