Россия тергов қўмитасининг расмий сайтига хакерлик ҳужуми уюштирилди. Бу ҳақда сайтнинг ўзида маълумот берилди.
Айтилишича, хакерлар сайтга 6 май митинги иштирокчиларининг қўлга олиниши тўғрисидаги ахборотни жойлаштирган.
Ҳужум Москва вақти билан бугун эрталаб соат 9:04да уюштирилган.
Эслатиб ўтамиз, 2015 йилнинг 6 май куни Болотний майдонидаги норозилик намойиши юбилейига бағишланган митинг уюштирилган эди. Митингнинг бир қанча иштирокчиси полиция томонидан қўлга олинганлиги матбуотда маълум қилинган эди.