WBA йўналиши супер оғир вазн тоифасида доимий чемпион саналган ҳамюртимиз Руслан Чагаевнинг чемпионлик камарини ҳимоя қилиши июль ойига қолдирилди. Аввалига унинг 27 июнда жанг ўтказиши ҳақида хабар берилганди.

Энди жанг июль ойида бўлиб ўтади ва у Германияда ташкил этилади. Келаси ҳафтада аниқ муддат ва рақиб номи маълум қилинади. Чагаев ушбу жангда ўз титулини хоҳишига кўра ҳимоя қилиш имкониятига эга.

Эслатиб ўтамиз, Руслан Чагаев профессионал рингда 36та жанг ўтказган бўлиб, шулардан 33тасида ғалаба қозонган. Бир дуранг ва 2 мағлубият қайд этган.