“Камолот” ёшлар ижтимоий ҳаракати Самарқанд шаҳар Кенгаши томонидан “Кексаларни эъзозлаш йили” Давлат дастури ижросини таъминлаш ҳамда 9-май – Хотира ва қадрлаш куни муносабати билан Самарқанд шаҳридаги “Саховат уйи”да “Фарзандлик бурчим” шиори остида тадбир ўтказилди.

Тадбир доирасида “Камолотда ош” танлови, “Набирангиздан совға” лойиҳаси, шунингдек концерт дастурлари ташкил этилди.

“Ош танлови”да вилоятдаги 8 та олий таълим муассасаларининг “Камолот” ЁИҲ етакчилари ош пиширдилар.

“Набирангиздан совға” лойиҳасида эса Самарқанд давлат университети ҳамда Самарқанд давлат архитектура ва қурилиш институти талабалари “Саховат уйи”даги отахону онахонларнинг расмларини чизиб ўзларига совға қилдилар.

Ош танловини малакали ошпазлар баҳолаб бордилар. Танлов натижасига кўра Самарқанд қишлоқ хўжалиги институти бошланғич ташкилоти биринчи ўринга муносиб деб топилди.

Тадбирнинг концерт дастурида самарқандлик ёш ижодкорлар ўзларининг куй-қўшиқлари билан барчага шодлик улашдилар.