Toshkentda “Shunqorlar” filmi ijodkorlari ishtirokida matbuot anjumani bo‘lib o‘tdi. Bu haqda O‘zA xabar bermoqda.
“Shunqorlar” filmida O‘zbekistonda navqiron avlodning sifatli ta'lim-tarbiya olishi uchun yaratilayotgan sharoitlar hamda buning samarasida o‘zbekistonlik yoshlar qo‘lga kiritayotgan yutuqlar haqida hikoya qilinadi.
Film ssenariysi muallifi Elmira Hasanova, rejissyor – Umid Hamdamov, operator – Umid Malikov. Asosiy rollarni Mahfuza Bobotillayeva, Behzod Hamroyev, Tohir Saidov singari taniqli aktyorlar bilan birga Sur'at Islomov, Nigina Anorboyeva, Fotih Nasimov, Shahnoza Abdumalikova kabi yoshlar ijro etgan.