Меҳмонхонада кўрсатиладиган хизматлар ичида энг муҳими, туристларнинг фикрича, бепул Wi-Fi тармоғига уланиш имкониятидир. Бу ҳақда Hotels.com портали томонидан тарқатилган матбуот хабарномасида маълум қилинди.
Туристлар ўртасида ўтказилган сўровнома натижаларига кўра, ундан кейинги ўринда турувчи хизмат бепул нонуштадир. Нонушта менюсидаги таомлардан энг лаззатлилари деб қаҳва, чой, мевалар, гўшт, тухум ва шарбат топилди. Аҳамият бўйича учинчи хизмат сифатида бепул парковка тан олинди.
Шунингдек, рўйхатдан жамоа транспорти, ресторан ва дўконларнинг яқинлиги, номерларда қаҳва машиналари ва бепул ичимлик суви солинган идишлар ўрин олган. Улардан кейинги ўринларда хоналардаги шовқин изоляцияси ва сейфлар турибди.
24 фоиз сайёҳларнинг фикрича, мини-барларнинг ҳеч қандай аҳамияти йўқ; респондентларнинг 17 фоизи ҳеч қачон уларнинг хизматларидан фойдаланмаганини маълум қилди. Шунингдек, 7 фоиз туристлар ичимликлар солинган музлаткичнинг аҳамиятини паст баҳолаган.
Сўровномада 28 мамлакат сайёҳлари иштирок этди. Респондентлар сони маълум эмас.