Ироқ шарқидаги қамоқхоналарнинг бирида келиб чиққан тўполонда 60дан ортиқ одам ҳалок бўлди.
РИА Новости агентлигининг маълум қилишича, қамоқдагилар қочишга ҳаракат қилган, полициячилар эса уларни тўхтатиб қолган. Келиб чиққан курашда 50тача маҳбус ва 12 нафар полиция ходими ҳалок бўлган. Бир қанча маҳбус қочиб кетишга муваффақ бўлган.
Илгари ҳалок бўлганлар сони 30 нафар эканлиги маълум қилинган.
Хорис қамоқхонасида террорчиликда айбланаётган бир неча юз маҳбус сақланади.