Ливиядаги портнинг ёпилиши ҳақидаги янгиликдан сўнг жаҳонда нефть нархи ўсиши кузатилмоқда. Бу биржалардаги молиявий амалиётлар натижаларидан маълум бўлди.
Бугунги ҳолатга кўра Brent русумли нефть нархи 1.08 фоизга ошиб, 68.25 доллар/баррелни ташкил қилди. WTI нефти нархи 1.66 фоизга ошиб, 61.4 долларга етган.
Эслатиб ўтамиз, сешанба куни Ливиядаги Зайтина терминали ёпилган эди. Бошқа кўплаб портлар ҳарбий ҳаракатлар туфайли аллақачон ёпилган бўлса, Зайтина шу пайтгача ишлаб турган эди. Унинг ҳам ёпилиши нефть нархига таъсир кўрсатди.