Москва шаҳрида Иккинчи Жаҳон урушида қозонилган ғалабанинг 70 йиллигига бағишланган парад бўлиб ўтди. У якунланганидан сўнг, Россия президенти ва Олий Бош қўмондони Владимир Путин парадда иштирок этган ҳарбий қисмлар командирларининг олдига тушиб уларни қутлади.

Шундан сўнг Путин хорижий делегациялар раҳбарлари билан биргаликда Номаълум аскар қабрига йўл олди. Россия раҳбарияти ҳамда меҳмонлар томонидан ушбу рамзий қабр пойига гулчамбарлар қўйилди.

Эслатиб ўтамиз. парадда 16.5 минг ҳарбий хизматчи иштирок этди. У кўплаб телеканаллар ва босма нашрлар орқали ёритиб борилди.