“Ўзтрансгаз” АК Тошкент ҳамда Тошкент вилоятида табиий газ ҳисоби назоратини автоматлаштириш борасидаги лойиҳани амалга оширишни режалаштирган.

Лойиҳа доирасида 1,04 дона масофадан бошқариладиган  ускуналар, шунингдек, биллинг ҳамда алоқа системалари яратилади. Компания берган маълумотларга кўра, Ўзбекистонда ҳар бир истеъмолчига ўрта ҳисобда йилига 3 минг кубометр табиий газ тўғри келади.

Маълумотларга кўра, лойиҳа 2016 йилда якунланади ва унинг баҳоси 217,3 млн доллар деб тахмин қилинмоқда.

Лойиҳани молиялаштириш  Ўзбекистон Республикаси тикланиш ва тараққиёт жамғармаси (100 млн доллар), савдо-сотиқ банки кредитлари (52,1 млн доллар) ҳамда “Ўзтрансгаз” компаниясининг шахсий маблағи (65,2 млн доллар) эвазига амалга оширилади.