Украинанинг шарқий вилоятларида Иккинчи Жаҳон урушида қозонилган ғалабанинг 70 йиллигига бағишланган бир қатор норасмий тадбирлар ўтказилди.
Маълумки, Украина биринчи бор европача форматда кеча, 8 май куни Хотира ва ярашув кунини нишонлаган эди. Илгари 9 май куни нишонланган Ғалаба байрами бекор қилинган эди.
Шунга қарамай, шарқий вилоятларда аҳолининг ўзи шаҳарлар ва аҳолижойлар маҳаллий бошқарув органлари кўмагида бир қатор норасмий тадбирлар ташкил этди. Жумладан, Одесса шаҳрида номаълум денгизчи қабрига гул қўйиш маросими ўтказилди. Бундан ташқари, Қаҳрамонлар деворига уруш йиллари ҳалок бўлгани яқинда аниқланган яна 77 одессалик жангчининг номи ёзилди. Кечаси “Баҳорги Одесса” фестивалини ўтказиш режалаштирилган.
Ўз навбатида, Харьков шаҳар кенгаши маршал Жуков ҳайкали пойига ва Биродарлик қабрига гулчамбар қўйиш маросимини ўтказишни режалаштирмоқда.
Айрим гуруҳлар ва ташкилотлар ушбу тадбирларнинг ўтказилишига қаршилик қилмоқда. Жумладан, Днепропетровск шаҳрида Ғалаба байрамининг нишонланишига тўсқинлик қилиш учун кўнгилли батальонлар маршини уюштириш кўзланган.