Дўстона қўшничилик сиёсатини кенгайтириш масалалари бўйича Европа комиссари Йоханнес Хан Македониядаги вазиятдан хавотирда эканлигини маълум қилди.
Эслатиб ўтамиз, Македонияда полициячилар ва мамлакат ҳудудига яширинча кирган террорчи гуруҳ ўртасида тўқнашувлар содир бўлди. Уларда 5 нафар полициячи ҳалок бўлди, 30 нафари яраланди. Бир қанча жангарилар ўлдирилди, 20 нафари таслим бўлди.
“Мен Куманово вилоятидаги вазиятдан, одамларга зарар етказилиши мумкинлигидан чуқур ташвишдаман”, - маълум қилди Хан Еврокомиссиянинг расмий сайтида эълон қилинган баёнотида.