9 май куни Қозоғистон ва Афғонистон ташқи ишлар вазирликлари ўртасида сиёсий консультациялар ўтказилди. Бу ҳақда Қозоғистон ташқи ишлар вазирлиги матбуот хизмати маълумот берди.

Қозоғистон делегациясига ташқи ишлар вазири ўринбосари Асқар Мусинов, Афғонистон делегациясига унинг ҳамкасби Ҳикмат Карзай бошчилик қилди.

Учрашув чоғида икки давлатнинг ўзаро алоқалари истиқболлари муҳокама қилинди. Айниқса 2015 йилнинг майида Остонада ўтказиладиган савдо ва иқтисодий ҳамкорлик бўйича 7-Ҳукуматлараро комиссия ишига алоҳида эътибор қаратилди.
Шунингдек, Афғонистон президенти Ашраф Ғани Аҳмадзай Қозоғистонга ташриф буюриши ҳақида сўз юритилди. Сафар ҳукуматлараро комиссия иши даврига мўлжалланган.