Москва шаҳар ҳокимлиги ҳудуддаги метрополитен узунлигини бир ярим баравар узайтиришни режалаштирмоқда. Бу ҳақда РИА Новости Москва шаҳар ҳокимининг шаҳар қурилиш ишлари бўйича ўринбосари Марат Хуснуллин берган маълумотга таяниб хабар бермоқда.

«80 йил ичида Москва метроси учун 300 км. йўл ва 185та бекатлар қурилди. Кейинги режаларимизда, беш-олти йил ичида унинг узунлигини яна бир ярим бараварга ошириш бор», дея қайд қилиб ўтди Хуснуллин.

Мансабдор шахснинг сўзларига кўра, дастлабки қурилиш режасига 65 км. йўл ва 30та бекат лойиҳаси киритилади.