Қорақалпоғистонда 11-13 май кунлари иккинчи марта Япония маданияти кунлари бўлиб ўтади. Бу ҳақда UzDaily хабар бермоқда.

Ўзбекистон Бадиий Академияси, Икуо Хираяма Халқаро маданият карвон саройи ва Тошкент Фотосуратлар уйи томонидан ташкил этилган тадбир ўтган йили бўлгани каби Ўзбекистон Бадиий Академияси Қорақалпоғистон бўлими Кўргазмалар залида бўлиб ўтади.

11 май куни Япониянинг анъанавий санъат турларидан бири – Сумиэга бағишланган кўргазманинг очилиши бўлиб ўтди. Кўргазмада япон медиатив мўйқалам рассомчилигининг 50га яқин намуналари намойиш этилмоқда.

Иккинчи бор ўтказилаётган “Қорақалпоғистонда Япония маданияти кунлари”даги, чой маросими, икебана, кириэ, оригами каби маҳорат ошириш дарслари япониялик мутахассислар ва Икуо Хираяма Халқаро маданият карвон саройи томонидан ташкил этилган.

Қорақалпоғистонда 2014 йилги Япония маданияти кунлари 12-14 май кунлари зўр муваффақият билан ўтказилганди.