9-10 май кунлари Ўзбекистон ички чемпионатида 8-тур ўйинлари бўлиб ўтди.

9 май куни 3та, 10 май куни эса 5та ўйин ўтказилди. Турнинг биринчи кунида "Нефтчи" "Динамо"ни 3:1 ҳисонида мағлуб этиб, ўз ҳисобидаги очколари сонини 20тага етказди ва биринчи ўринга кўтарилди. "Насаф" эса сафарда "Навбаҳор" билан 1:1 ҳисобида дуранг ўйнаб қўйгач, 19 очко билан иккинчи ўринга жойлашган.

9 май куни "Машъал" "Бухоро"ни қабул қилди ва 2:2 ҳисобида дуранг ўйнади. Турнир дебютанти "Қўқон-1912" жамоаси эса "Қизилқум" майдонида навбатдаги мағлубиятли ўйинини (1:3) ўтказди.

Турнинг энг кутилмаган натижаси Зоминда, "Сўғдиёна" ва "Бунёдкор" жамоалари ўйинида қайд этилди. Мезбонлар 2:1 ҳисобида ғалаба қозонгач, "қалдирғочлар" ўз тарихида илк марта Жиззах жамоасига мағлуб бўлганини тан олди. Бу мағлубиятдан кейин Сергей Лушчан шогирдлари 7 ўйинда 12 очко жамғарган ҳолда жадвалнинг еттинчи ўрнида қолмоқда.

10 май куни Тошкентнинг яна бир жамоаси "Пахтакор" "Бекобод" сафаридан 2:1 ҳисобидаги ғалаба билан қайтди, "Локомотив" эса ўз майдонида "Андижон"ни 2:0 ҳисобида мағлубиятга учратди.

"Шўртан" ва "Олмалиқ" учрашувида эса 3:3 ҳисобидаги жангавор дуранг қайд этилди.

9 май

«Нефтчи» – «Динамо»  3:1
Голлар: А. Махсаталиев (19), Д. Расулов (44), О. Нурбаев (88) – О. Зокиров (79)
 
«Машъал» – «Бухоро»  2:2. 
Голлар: В. Иванов (27), З. Қўзибоев (46) – Б. Хауши (6), Д. Убайдуллаев (40).
 
«Қизилқум» – «Қўқон-1912» 3:1
Голлар: Б. Ваҳобов (50, 63), В. Шевченко (60) – Н. Отақўзиев (14).
 
«Навбаҳор» – «Насаф»  1:1 
Голлар: М. Мамазулунов (90+2) – М. Каримов (27).
 
«Сўғдиёна» – «Бунёдкор»  2:1
Голлар: Ж. Ҳакимов (53, 65) – Ш. Зуаги (
 
«Металлург» – «Пахтакор»  1:2
Голлар: М. Тошматов (90+2) – Б. Пардаев (50, 75)
 
«Локомотив» – «Андижон»  2:0
Голлар: С. Шоаҳметов (40), С. Мустафоев (73)

«Шўртан» – «Олмалиқ»  3:3
Голлар: В. Карпенко (13, 43), С. Бердиев (84) – Ш. Саломов (11), А. Кашкавал (45+1), Д. Исмоилов (90+4).