Apple компанияси Хитойда ўрмонларни муҳофаза қилиш бўйича лойиҳани амалга оширишни бошламоқда, деб ёзмоқда Bloomberg ахборот агентлиги.

Лойиҳа Жаҳон ёввойи табиат жамғармаси билан биргаликда амалга оширилади. Дастурнинг мақсади Хитойда целлюлоза, қоғоз ва ёғоч материаллари ишлаб чиқаришда фойдаланиладиган 1 млн акрга яқин ўрмоннинг бутлигини таъминлашдан иборат. 

“Биз Хитойда табиатни муҳофаза қилиш бўйича олдинги қаторда бўлишни хоҳлаётган, соҳамизнинг етакчилари билан ишлашдан мамнунмиз”, деб айтди компания бош ижрочи директори Тим Кук.

Аввалроқ Apple ўзининг ишлаб чиқариш эҳтиёжларига ишлатиладиган тикланувчи энергия манбалари бўйича дастурини кенгайтиришни мўлжаллаётгани маълум бўлганди. Яқинда Apple маҳаллий энергетик компаниялар билан ҳамкорликда Хитойнинг Сичуань вилоятида 40 МВт ли қуёш станциясини ишга тушириш лойиҳасини бошлаши эълон қилинганди.